جنید صفدر کی ن لیگ کے اہم رہنما کی پوتی سے شادی طے پا گئی

وزیر اعلیٰ پنجاب مریم نواز شریف کے صاحبزادے جنید صفدر کی شادی طے پا گئی ہے۔ بتایا جا رہا ہے کہ جنید صفدر کی رشتہ طے پانے والی دلہن، مسلم لیگ (ن) کے رہنما شیخ روحیل اصغر کی پوتی ہیں۔

ذرائع کے مطابق دلہن، شیخ روحیل اصغر کے صاحبزادے علی روحیل اصغر کی صاحبزادی ہیں۔ ذرائع کا یہ بھی کہنا ہے کہ دونوں خاندانوں کے درمیان شادی کی تقریبات دسمبر کے آخری ہفتے یا جنوری میں منعقد ہونے کا امکان ہے۔

اطلاعات کے مطابق شریف خاندان اور شیخ روحیل اصغر کے خاندان کی جانب سے شادی سے متعلق ایک خصوصی ایونٹ بھی منعقد کیا جا چکا ہے جس میں دونوں خاندانوں کے قریبی عزیز و اقارب نے شرکت کی۔

شادی کی حتمی تاریخ کا اعلان جلد متوقع ہے۔