News Wave 
پشاور:خواتین کی خفیہ ویڈیوز بنانے والا پی آئی سی اسپتال کا سی سی ٹی وی آپریٹر گرفتار کر لیا گیا۔
نیشنل سائبر کرائم انویسٹی گیشن ایجنسی (NCCIA) نے ایک خاتون کی شکایت پر بروقت کارروائی کرتے ہوئے خطرناک بلیک میلنگ نیٹ ورک کو بے نقاب کر دیا۔ شکایت کے مطابق ملزم عمران نے متاثرہ خاتون کو شادی کا جھانسا دے کر اس کی تصاویر اور ویڈیوز حاصل کیں اور بعد میں 20 لاکھ روپے تاوان طلب کیا۔
ملزم نے بلیک میلنگ کے لیے خاتون کے بہنوئی کو بھی نازیبا ویڈیو بھیجی اور اس سے بیانات ریکارڈ کیے۔
این سی سی آئی اے نے حکمتِ عملی کے تحت تاتارا پارک میں ملزم سے خفیہ ملاقات کا اہتمام کیا اور چھاپہ مار کر اسے موقع پر گرفتار کر لیا۔
گرفتاری کے وقت ملزم کے قبضے سے آئی فون 12 پرو میکس، واٹس ایپ چیٹس اور متعدد خواتین کی خفیہ ویڈیوز برآمد ہوئیں۔ تفتیش میں انکشاف ہوا کہ عمران پی آئی سی اسپتال میں سی سی ٹی وی آپریٹر کے طور پر کام کرتا ہے، جبکہ اس کے موبائل سے اسپتال کے خواتین وارڈ کی خفیہ ویڈیوز بھی ملی ہیں۔
ملزم کے خلاف سنگین دفعات کے تحت مقدمہ درج کر لیا گیا ہے۔