پنجاب اور بلوچستان میں موسم سرما کی تعطیلات کا شیڈول جاری

لاہور:پنجاب اور بلوچستان کے تعلیمی اداروں میں موسمِ سرما کی تعطیلات کا شیڈول جاری کر دیا گیا ہے۔

پنجاب میں موسم سرما کی تعطیلات 23 دسمبر 2025 سے شروع ہوں گی اور 11 جنوری 2026 تک جاری رہیں گی۔ صوبے بھر کے سرکاری اور نجی اسکول 12 جنوری کو دوبارہ کھلیں گے، جس کے ساتھ ہی نئے تعلیمی سیشن کا بھی آغاز ہو جائے گا۔

دوسری جانب بلوچستان کی وزارتِ تعلیم کے مطابق سرد علاقوں میں 16 دسمبر سے سرکاری و نجی اسکول اڑھائی ماہ کے لیے بند رہیں گے۔ وزارت نے واضح کیا ہے کہ یہ شیڈول تمام سرکاری اور نجی اسکولوں پر یکساں طور پر لاگو ہوگا۔