پنجاب حکومت کا پتنگ بازی کی اجازت دینے کا فیصلہ

لاہور:حکومت پنجاب نے پتنگ بازی کی اجازت دینے کا فیصلہ کیاہے۔تفصیلات کے مطابق پنجاب میں پتنگ بازی کی اجازت کیلئے آرڈنینس تیارکرلیا گیا،گورنر پنجاب کے پتنگ بازی کی اجازت کیلئے کسی بھی وقت آرڈنینس جاری کر سکتے ہیں۔

آرڈنینس کے تحت مخصوص شرائط کے ساتھ عوام پتنگ بازی کر سکیں گے ،ضلع کا ڈپٹی کمشنر پتنگ بازی کی متعلقہ ضلع میں اجازت دے گا ،ڈپٹی کمشنر پتنگ بازی کے لئے عائد شرائط پر عمل درآمد کرائے گا ،پتنگ بازی میں مخصوص ڈور استعمال ہو گی ،پتنگ فروخت کرنے والوں کی رجسٹریشن کی جائے گی ،مخصو ص ڈور کی بھی رجسٹریشن ہو گی۔

شرائط کی خلاف ورزی کرنے والے کو سزا سنائی جائے گی ،قانون شکنی کرنے والے کو زیادہ سے زیادہ 7اور کم سے کم 5سال کی قید یا زیادہ سے زیادہ 5ملین روپے جرما نہ ہو سکتا ہے ،سزا یا جرمانہ دونوں بھی ہوسکتے ہیں،پتنگ بازی والے علاقے میں جانے کے لئے موٹر سائیکل سوار وں کے لیے حفاظتی اقدامات کئے جائیں گے ،بغیر سیفٹی وائر موٹر سائیکل پتنگ بازی والے علاقے میں داخل نہیں ہو سکے گی۔