پنجاب حکومت نے 3 مرلہ رہائشی پلاٹس کی ڈیجیٹل قرعہ اندازی کا آغاز کر دیا

لاہور:پنجاب حکومت نے ’’اپنی زمین اپنا گھر ہاؤسنگ سکیم‘‘ کے تحت 3 مرلہ رہائشی پلاٹس کی ڈیجیٹل قرعہ اندازی کا باضابطہ آغاز کر دیا ہے۔لاہور میں منعقدہ تقریب میں مسلم لیگ ن کے قائد اور وزیراعلیٰ پنجاب نے مشترکہ طور پر پروگرام کا افتتاح کیا، جبکہ وزیراعلیٰ کی درخواست پر نواز شریف نے بٹن دبا کر اسکیم کا ڈیجیٹل اجرا کیا۔ڈیجیٹل قرعہ اندازی کے پہلے مرحلے میں پنجاب کے 19 اضلاع کی 23 ہاؤسنگ اسکیموں کے تحت 2 ہزار مستحق افراد کو 3 مرلہ کے پلاٹ الاٹ کیے گئے۔مختلف شہروں میں پلاٹوں کی تقسیم کچھ یوں رہی: جہلم میں 730 قصور میں 388 فیصل آباد میں 257 لودھراں میں 219 اوکاڑہ میں 130 لیہ میں 55 بھکر میں 52 ساہیوال میں 33 سرگودھا میں 25 افراد کامیاب قرار پائے۔