عمران خان کے ایکس اکائونٹ کو بند کرنے سے متعلق بڑا اقدام

بانی پاکستان تحریک انصاف کے ایکس (سابق ٹوئٹر) اکاؤنٹ کو بند کرنے سے متعلق درخواست کی سماعت 4 نومبر کو مقرر کر دی گئی ہے۔

اسلام آباد ہائیکورٹ کے رجسٹرار آفس کی جانب سے جاری کردہ کازلسٹ کے مطابق، اس کیس کی سماعت جسٹس ارباب محمد طاہر کریں گے۔

عدالت نے بانی پی ٹی آئی کو نوٹس جاری کرتے ہوئے جواب طلب کیا ہے، جبکہ نیشنل سائبر کرائم ایجنسی، سپرنٹنڈنٹ جیل اور دیگر متعلقہ فریقین سے بھی وضاحت مانگی گئی ہے۔

یہ درخواست شہری غلام مرتضیٰ نے اپنے وکیل بیرسٹر ظفر اللّٰہ کے ذریعے دائر کی ہے۔

درخواست میں مؤقف اختیار کیا گیا ہے کہ بانی پی ٹی آئی کے غیرقانونی اور بدنیتی پر مبنی ٹوئٹس کو حذف کیا جائے اور ان کا اکاؤنٹ بلاک کیا جائے۔

مزید یہ بھی استدعا کی گئی ہے کہ قید کے دوران ایکس اکاؤنٹ سے مبینہ طور پر اشتعال انگیز یا انتشاری مواد کی اشاعت کو روکا جائے۔