مریدکے واقعہ، پنجاب حکومت نے اہم فیصلہ کر لیا

پنجاب حکومت نے مذہبی جماعت کے احتجاج کے دوران گرفتار افراد کے مقدمات کی مؤثر پیروی کے لیے اہم فیصلہ کر لیا ہے۔
اس سلسلے میں حکومتِ پنجاب نے دو سینئر وکلا کو اسپیشل پراسیکیوٹر تعینات کر دیا ہے، جن میں رانا شکیل احمد خان اور چوہدری خالد رشید شامل ہیں۔
سیکرٹری پراسیکیوشن کی جانب سے دونوں اسپیشل پراسیکیوٹرز کی تعیناتی کا باقاعدہ نوٹیفکیشن بھی جاری کر دیا گیا ہے۔
یہ اسپیشل پراسیکیوٹرز مذہبی جماعت کے احتجاج سے متعلق درج مقدمات میں حکومت کی نمائندگی کریں گے۔
حکومتی اعلامیے کے مطابق دونوں پراسیکیوٹرز انسدادِ دہشت گردی عدالت اور لاہور ہائیکورٹ میں حکومت کی طرف سے پیش ہوں گے۔