موٹی بیوی کا وزن کم کروانے کیلئے نادیہ خان نے شوہروں کو زبردست طریقہ بتا دیا

خواتین کے بڑھتے ہوئے وزن سے پریشان شوہروں کے لیے نادیہ خان نے ایک دلچسپ اور آزمودہ مشورہ دیا ہے۔

چلبلے انداز اور بے باک رائے کی وجہ سے مشہور پاکستانی میزبان اور اداکارہ نادیہ خان نے اپنے مارننگ شو میں ایسا مشورہ دیا کہ شوہر بھی حیران رہ گئے اور بیویاں بھی فوراً چونک گئیں۔

نادیہ خان نے کہا کہ اگر بیوی کا وزن بڑھ رہا ہو تو شوہر سیدھا سیدھا ٹوکنے کے بجائے طریقے سے بات کریں۔ وہ کہیں کہ ’’یار میرا وزن بہت بڑھ گیا ہے، میں بے ڈھنگا لگ رہا ہوں، رات کو مجھے کم کھانا دیا کرو۔‘‘

ان کے مطابق جیسے ہی شوہر یہ بات کریں گے تو بیوی فوراً جواب دے گی کہ ’’نہیں نہیں! آپ تو بالکل ٹھیک ہیں، میں موٹی ہو رہی ہوں، مجھے وزن کم کرنا ہے۔‘‘

نادیہ خان ہنستے ہوئے کہتی ہیں کہ چند ہی دن میں بیویاں اپنا وزن کم کرنے میں سنجیدہ ہو جائیں گی۔

انہوں نے بتایا کہ انہوں نے اپنے گھر میں بھی یہی طریقہ آزمایا ہے، اور صرف ان کی جم روٹین دیکھ کر پورا گھر ورزش کرنے لگا۔

نادیہ خان نے مزید کہا کہ جو شوہر یہ کہتے ہیں کہ ’’میری بیوی موٹی ہے لیکن مجھے فرق نہیں پڑتا‘‘ تو دراصل وہ اپنی ذمہ داری ادا نہیں کر رہے۔ یہ محبت نہیں بلکہ لاپرواہی ہے، کیونکہ موٹاپا کئی بیماریوں کا سبب بنتا ہے۔

انہوں نے بتایا کہ زیادہ وزن شوگر، دل کے امراض اور گردوں کی بیماریوں تک کا خطرہ بڑھا دیتا ہے، اس لیے صحت پر دھیان دینا ضروری ہے۔