دھرمیندر کی جھوٹ کی جھوٹی خبروں پر ہیما مالنی اور بیٹی کا سخت ردعمل سامنے آگیا

اداکار کی اہلیہ ہیما مالنی نے ایک ٹوئٹ میں کہا کہ دھرمیندر کے انتقال کے بارے میں گردش کرنے والی خبریں بالکل بے بنیاد ہیں اور یہ عمل ناقابلِ قبول ہے۔ انہوں نے شدید غصے کا اظہار کرتے ہوئے کہا کہ کسی بھی میڈیا ادارے کے لیے یہ قابلِ معافی نہیں کہ وہ ایسے شخص کے بارے میں جھوٹی خبریں پھیلائیں جو علاج کے دوران ہے اور بہتر ہو رہا ہے۔
ہیما مالنی نے مزید کہا کہ یہ عمل نہ صرف غیر ذمہ دارانہ بلکہ توہین آمیز بھی ہے، اس لیے عوام اور میڈیا سے درخواست ہے کہ ہماری فیملی کی پرائیویسی کا احترام کیا جائے۔
اسی طرح دھرمیندر کی بیٹی ایشا دیول نے بھی والد کے انتقال کی جھوٹی خبروں پر ناراضی ظاہر کی اور لوگوں سے کہا کہ ہمارے اہلِ خانہ کی نجی زندگی کا خیال رکھیں اور والد کی مکمل صحت یابی کے لیے دعا کریں۔
یاد رہے کہ اس سے قبل معروف صحافی راجدیپ سردیسائی اور اداکار و مصنف جاوید اختر نے بھی دھرمیندر کے انتقال پر افسوس کا اظہار کیا تھا، تاہم اہلِ خانہ نے ان خبروں کی سختی سے تردید کی ہے۔