News Wave 
52
اسلام آباد میں ڈسٹرکٹ اینڈ سیشن کورٹ نے سابق وزیرِاعلیٰ خیبرپختونخوا علی امین گنڈا پور کے خلاف شراب اور اسلحہ برآمدگی کیس میں وارنٹِ گرفتاری جاری کر دیے۔
تفصیلات کے مطابق جوڈیشل مجسٹریٹ مبشر حسن چشتی نے کیس کی سماعت کی، تاہم علی امین گنڈا پور ایک مرتبہ پھر عدالت میں پیش نہ ہوئے۔ عدالت نے ان کی مسلسل غیر حاضری کو بنیاد بناتے ہوئے وارنٹِ گرفتاری جاری کر دیے اور پولیس کو ہدایت کی کہ انہیں گرفتار کر کے عدالت میں پیش کیا جائے۔
عدالت نے کیس کی اگلی سماعت 28 اکتوبر تک ملتوی کرتے ہوئے واضح کیا کہ ملزم کی گرفتاری کے بعد ہی کارروائی آگے بڑھائی جائے گی۔
واضح رہے کہ علی امین گنڈا پور کے خلاف تھانہ بارہ کہو میں شراب اور اسلحہ برآمدگی کے الزام میں مقدمہ درج ہے۔