عدالتوں کا اب کوئی حال نہیں رہا، انہیں ڈاک خانہ سمجھ لیا گیا ہے: جسٹس محسن اختر کیانی

اسلام آباد:اسلام آباد ہائی کورٹ میں ایک کیس کی سماعت کے دوران جسٹس محسن اختر کیانی نے عدالتی امور میں غیر سنجیدگی پر سخت برہمی کا اظہار کرتے ہوئے اہم ریمارکس دیے۔ سماعت کے موقع پر درخواست گزار کی جانب سے متعلقہ محکمے میں بیانِ حلفی جمع نہ کرانے پر عدالت نے شدید ناراضی کا اظہار کیا۔

جسٹس محسن اختر کیانی نے ریمارکس دیتے ہوئے کہا کہ عدالتوں کو تو ڈاک خانہ سمجھ لیا گیا ہے، انہوں نے افسوس کا اظہار کرتے ہوئے کہا کہ عدالتوں کا اب کوئی حال نہیں رہا۔

عدالت نے درخواست گزار کو بیانِ حلفی جمع کرانے کی ایک بار پھر واضح ہدایت جاری کرتے ہوئے کیس کی سماعت ملتوی کر دی۔