News Wave 
لاہور: انسداد دہشت گردی عدالت لاہور نے سابق چیف جسٹس پاکستان قاضی فائز عیسیٰ کو دھمکیاں دینے کے مقدمے کا فیصلہ سناتے ہوئے کالعدم تحریک لبیک پاکستان (ٹی ایل پی) کے رہنما پیر ظہیر الحسن شاہ کو ساڑھے پینتیس سال قید کی سزا سنا دی ہے۔
عدالت نے مجرم کو مختلف دفعات کے تحت مجموعی طور پر پینتیس سال قید کی سزا دی اور ساتھ ہی چھ لاکھ روپے جرمانہ عائد کیا۔ فیصلہ اے ٹی سی کے جج ارشد جاوید نے مقدمے کے ٹرائل کے مکمل ہونے کے بعد سنایا۔
مجرم کے خلاف تھانہ قلعہ گجر سنگھ پولیس نے 2024 میں دہشت گردی سمیت دیگر دفعات کے تحت مقدمہ درج کیا تھا، جس میں اس پر سابق چیف جسٹس قاضی فائز عیسیٰ کو دھمکیاں دینے کا الزام عائد کیا گیا تھا۔
عدالت کے اس فیصلے سے واضح پیغام جاتا ہے کہ پاکستان میں قانون کی حکمرانی اور عدلیہ کے تحفظ کو کسی بھی صورت نظر انداز نہیں کیا جائے گا اور دہشت گردانہ سرگرمیوں میں ملوث افراد کو سخت قانونی کارروائی کا سامنا کرنا پڑے گا۔