ارشد شریف قتل کیس وفاقی آئینی عدالت میں سماعت کیلئے مقرر ، تاریخ کا اعلان

اسلام آباد: وفاقی آئینی عدالت نے ارشد شریف قتل کیس کی سماعت مقرر کر دی
وفاقی آئینی عدالت نے صحافی ارشد شریف قتل کیس کی سماعت کے لیے تاریخ مقرر کر دی ہے۔ جسٹس عامر فاروق اور جسٹس روزی خان پر مشتمل دو رکنی بینچ 3 دسمبر کو کیس کی سماعت کرے گا۔
واضح رہے کہ سپریم کورٹ نے ارشد شریف کے قتل پر از خود نوٹس لیا تھا۔ 27 ویں آئینی ترمیم کے بعد از خود نوٹس والے مقدمات آئینی عدالت کو منتقل ہو چکے ہیں۔
خیال رہے کہ 23 اکتوبر 2022 کو کینیا کے شہر نیروبی میں مگاڈی ہائی وے پر پولیس نے ارشد شریف کو سر پر گولی مار کر قتل کیا تھا۔
بعد ازاں کینیا پولیس نے واقعہ غلط شناخت قرار دیا، تاہم تحقیقات میں ان کے مؤقف میں تضاد پایا گیا۔