News Wave 
سندھ: نجی اسکولوں میں طلبا کو اپنی پسند کی جیکٹ یا سوئیٹر پہننے کی اجازت
محکمہ تعلیم سندھ نے نجی اسکولوں کو ہدایت نامہ جاری کیا ہے کہ طلبا کو سردیوں میں اپنی پسند کی جیکٹ یا سوئیٹر پہننے کی اجازت دی جائے۔
ڈائریکٹوریٹ آف پرائیویٹ انسٹی ٹیوشنز کے مطابق، وزیر تعلیم سندھ سردار شاہ کی ہدایت پر یہ مراسلہ بھیجا گیا ہے تاکہ بچے اسکول میں اپنی پسند کے گرم کپڑے پہن سکیں اور اسکول انتظامیہ انہیں کسی مخصوص جیکٹ یا سوئیٹر پر مجبور نہ کرے۔
ایڈیشنل ڈائریکٹر پرائیویٹ اسکولز سندھ، رفیعہ جاوید کا کہنا ہے کہ سردیوں میں بچوں کی صحت سب سے اہم ہے، اور اگر کوئی اسکول اس ہدایت کی خلاف ورزی کرے گا تو اس کے خلاف کارروائی کی جائے گی۔
رفیعہ جاوید نے مزید کہا کہ بچے کسی بھی رنگ یا ڈیزائن کی جیکٹ پہن سکتے ہیں، اور اسکول انتظامیہ کو انہیں زبردستی کسی مخصوص لباس پر مجبور کرنے کا حق نہیں ہوگا۔