News Wave 
85
اسلام آباد:عدالت نے سابق وزیرِ اعلیٰ خیبر پختونخوا علی امین گنڈاپور کو گرفتار کر کے پیش کرنے کا حکم جاری کر دیا ہے۔
تفصیلات کے مطابق، ڈسٹرکٹ اینڈ سیشن کورٹ اسلام آباد میں علی امین گنڈاپور کے خلاف شراب اور اسلحہ برآمدگی کیس کی سماعت ہوئی، جس کی صدارت جوڈیشل مجسٹریٹ مبشر حسن چشتی نے کی۔
سماعت کے دوران علی امین گنڈاپور عدالت میں پیش نہیں ہوئے، جب کہ ان کے وکیل راجا ظہور الحسن بھی موجود نہیں تھے۔
عدالت نے ملزم اور وکیل کی مسلسل غیر حاضری پر برہمی کا اظہار کرتے ہوئے علی امین گنڈاپور کے وارنٹِ گرفتاری جاری کر دیے اور پولیس کو حکم دیا کہ انہیں گرفتار کر کے عدالت کے روبرو پیش کیا جائے۔
عدالت نے کیس کی مزید سماعت 11 نومبر تک ملتوی کر دی۔
واضح رہے کہ علی امین گنڈاپور کے خلاف مقدمہ تھانہ بارہ کہو میں درج ہے۔