شیخ حسینہ واجد کو انسانیت کے خلاف جرائم پر موت کی سزا

ٹرائبونل نے معزول اور مفرور وزیر اعظم شیخ حسینہ کے علاوہ ان کے دو اعلیٰ عہدیدار ساتھیوں کے خلاف گزشتہ سال جولائی میں ہونے والی بغاوت کے دوران انسانیت کے خلاف جرائم کے جرم میں فیصلہ سنایا۔

سابق وزیر داخلہ اسد الزماں خان کمال اور سابق انسپکٹر جنرل پولیس چودھری عبداللہ المامون کو بھی شریک جرم قرار دیا گیا ہے۔ اسد الزماں ابھی تک مفرور ہیں، جبکہ مامون زیر حراست ہیں اور انہوں نے جرم کا اعتراف کیا ہے۔ مامون ریاستی گواہ بھی ہیں اور وہ 2010 میں ٹریبونل کے قیام کے بعد پہلے مجرم ہیں جنہوں نے اس کردار کو قبول کیا۔

فیصلہ جسٹس محمد غلام مرتضیٰ کی سربراہی میں تین رکنی ٹریبونل نے سنایا، اور 453 صفحات پر مشتمل فیصلے کے ایک حصے کو پڑھ کر مجرموں کے خلاف حکم جاری کیا گیا۔

قبل ازیں، ٹریبونل نے 78 سالہ شیخ حسینہ کو بھارت سے واپس آ کر ٹرائل میں پیش ہونے کی ہدایت دی تھی، لیکن انہوں نے یہ ہدایت مسترد کر دی۔

استغاثہ نے ٹریبونل سے تینوں مجرمان کے اثاثے ضبط کر کے متاثرہ خاندانوں میں تقسیم کرنے کا بھی مطالبہ کیا ہے۔