پاکستان نے بھارت سے ملنے والی فضائی حدود 2 روز کے لیے کیوں بند کر دی؟

اسلام آباد:پاکستان نے بھارت سے ملنے والی اپنی فضائی حدود دو روز کے لیے بند کرنے کا فیصلہ کرلیا۔

پاکستان ایئر پورٹ اتھارٹی نے تمام ایئر لائنز اور ایوی ایشن کمپنیوں کو نوٹم جاری کر دیا ہے، جس میں کہا گیا ہے کہ 28 اور 29 اکتوبر کو فضائی حدود صبح 6 بجے سے 9 بجے تک بند رہے گی۔

نوٹم میں مزید کہا گیا ہے کہ اس دوران کمرشل پروازوں کو احتیاط برتنے کی ہدایت کی گئی ہے۔ دو روز کے دوران تین تین گھنٹے فضائی حدود بند رہے گی جبکہ کراچی اور لاہور فلائٹ ریجن میں مخصوص روٹس کمرشل پروازوں کے لیے بند رہیں گے۔

ذرائع کے مطابق یہ فیصلہ ممکنہ طور پر پاکستان کی سرحد کے قریب بھارتی فوجی مشقوں کے پیش نظر کیا گیا ہے۔