News Wave 
امریکا نے وائٹ ہاؤس کے قریب فائرنگ کے واقعے کے بعد افغان شہریوں کی امیگریشن درخواستیں غیر معینہ مدت کے لیے معطل کر دی ہیں۔
یہ واقعہ واشنگٹن میں اس وقت پیش آیا جب وائٹ ہاؤس کے پاس نیشنل گارڈ کے اہلکاروں پر فائرنگ کی گئی، جس میں دو اہلکار شدید زخمی ہوئے۔ اس واقعے کے بعد ٹرمپ انتظامیہ نے فوری طور پر سخت قدم اٹھاتے ہوئے امیگریشن درخواستوں کو روک دیا۔
امریکی میڈیا کے مطابق 29 سالہ افغان شہری رحمان اللہ لکنوال کو گرفتار کیا گیا ہے، جس پر الزام ہے کہ اس نے نیشنل گارڈ کے دونوں اہلکاروں پر فائرنگ کی۔ زخمی اہلکاروں کی حالت تاحال تشویشناک بتائی جا رہی ہے۔
امریکی سیٹیزن شپ اینڈ امیگریشن سروس (USCIS) نے سوشل میڈیا پلیٹ فارم ایکس پر بتایا کہ تمام افغان درخواستوں کا مکمل سکیورٹی جائزہ لیا جائے گا، اسی وجہ سے انہیں عارضی طور پر روک دیا گیا ہے۔
ادارے نے کہا کہ سکیورٹی پروٹوکول اور جانچ کے نظام کا دوبارہ جائزہ مکمل ہونے کے بعد ہی درخواستوں کی بحالی کا فیصلہ کیا جائے گا۔