امریکی ریاست جنوبی کیرولائنا کے کلب میں فائرنگ، 4 افراد ہلاک

واشنگٹن :امریکی ریاست ساتھ کیرولائنا کے ایک جزیرے پر واقع بار میں فائرنگ کے نتیجے میں 4 افراد ہلاک اور 20 زخمی ہوگئے۔مقامی حکام کے مطابق واقعہ جزیرہ سینٹ ہیلینا کے بار میں پیش آیا جہاں واقعے کے وقت بڑی تعداد میں لوگ موجود تھے۔بیوفورٹ کانٹی شیرف کے دفتر کے مطابق اہلکاروں کے موقع پر پہنچنے پر معلوم ہوا کہ متعدد افراد گولیاں لگنے سے زخمی ہوگئے ۔
زخمیوں کو قریبی اسپتال منتقل کردیاگیا، 4 زخمیوں کی حالت نازک بتائی جارہی ہے۔حکام کا کہنا تھاکہ فائرنگ کے دوران کئی لوگ جان بچانے کے لیے قریبی عمارتوں اور کاروباری مقامات پر پناہ لینے کے لیے بھاگے۔پولیس نے عوام سے صبر و تحمل کی درخواست کرتے ہوئے واقعے کی تحقیقات شروع کردیں۔